Бакари Сисе: Бојата на кожата на Садио Мане им пречеше на Сане и на Баерн Минхен
Садио Мане реши кариерата да ја продолжи во Саудиска Арабија и со тоа неславно го напушти тимот на Баерн Минхен. Работите не му одеа лошо на Мане во Баерн до натпреварот од Лигата на шампионите против Манчестер сити и тепачката со Лерој Сане.
Препорачано
Тогаш се раскажуваа најразлични приказни, а сега после сè, ПР менаџерот на Мане, Бакари Сисе реши да излезе и да понуди своја верзија на приказната. Сè веднаш објави Фабрицио Романо, а потоа и други медиуми.
Сисе тврди дека Баерн и Сане на расна основа го навредувале неговиот клиент, кој е единствената жртва.
– Секој со доволно познавање од европскиот фудбал знае дека Лерој Сане е многу арогантна личност, додека Садио Мане е прилично мирен и приземен тип. Тоа го покажуваше каде и да играше, додека Сане ја премина линијата повеќе од еднаш. Многу погрешни работи за тоа што се случи е кажано. Валкани работи излегоа од германските медиуми кои се здружија со Сане против Мане. Тие напишаа дека Мане е казнет со 500 илјади евра за инцидентот што е лага.
Лерој Сане му се извини на Мане по инцидентот, зошто? Знаеше дека тој е тој што го за*ба, а не Мане. Дури и им кажуваше на другите играчи, му испратив порака на Мане, кажете му да ми одговори. Садио на крајот одговори и го прифати извинувањето, но му рекол на Сане дека тоа не смее да се повтори. Садио беше расистички навреден од Сане: Не можам да навлегувам во детали, но затоа и претходно кажав дека има многу неблагодарност од Баерн. Тотално лудило. Бојата на кожата на Садио Мане не му пречеше само на Лерој Сане, туку и на првите луѓе на Баерн, кои не разбираа зошто мораа да платат толку многу пари на таков тип – вели Сисе.
Да потсетиме, сè започна откако Баерн беше поразен со 3:0 од Манчестер сити во четвртфиналето на Лигата на шампионите.
– Мане и Сане се степаа во соблекувалната по поразот од Сити. Мане му пријде на Сане незадоволен од начинот на кој зборува и го удри во усна. Останатите играчи мораа да интервенираат – пишува „Билд“.
Мане и Сане се расправаа за време на натпреварот. Очигледно имаа што да си кажат и на крајот дојде до физичка пресметка меѓу двајцата соиграчи. Интересно е и тоа што Садио Мане неодамна беше во главната улога кога беше отпуштен Јулијан Нагелсман. За тоа наводно е виновен Сенегалецот.
