Американскиот претседател Џо Бајден, под притисок на американските лидери за граѓански права, синоќа изјави дека е национален императив да се донесе сеопфатен закон за гласачко право, кој беше запрен во Конгресот поради противење на републиканците, кои, како што рече, сакаат да сузбивање и укинување на избирачкото право.

Според Гласот на Америка, Бајден исто така ги критикуваше републиканците за „големите лаги” за кражбата на изборите во ноември минатата година, на кои го победи Доналд Трамп.

Голем број држави под контрола на републиканците усвоија закони со кои или се ограничува гласањето или се менуваат изборните правила, по тврдењето на Трамп дека претседателските избори во 2020 година биле украдени со помош на манипулации во пребројување на гласовите.

Во говорот во Филаделфија, град кој се смета за родно место на американската нација, Бајден, иако не го спомна неговото име, го нападна Трамп „за лажни обвинувања за изборна кражба”.

– Слушајте ме јасно: во денешна Америка во тек е напад, обид за сузбивање и укинување на правото на глас на слободни и фер избори. Голема лага е само тоа – голема лага, рече Бајден, алудирајќи на недокажаните тврдења на Трамп и неговите приврзаници за изборна кражба, додава Гласот на Америка.

Законот за гласачко право, за кој се залага Бајден, има тежок пат во Конгресот, каде што републиканците во Сенатот успеаја да ги блокираат демократите