Американскиот претседател Џо Бајден и израелскиот премиер Бенјамин Нетанјаху се согласија да има непрекинат проток на хуманитарна помош во опколениот Појас Газа, соопшти Белата куќа.

Втор конвој камиони синоќа влезе од Египет во Појасот Газа.

„Бајден и Нетанјаху имаа телефонски разговор во кој потврдија дека ќе има континуиран проток на оваа критично важна помош за палестинското население во Газа“, се вели во соопштението на американското претседателство.

Тензиите на Блискиот Исток се на точка на вриење, светот стравува војната меѓу Израел и Хамас да не се прелее во сеопфатна битка во регионот

Дваесет камиони со хуманитарна помош во саботата пристигнаа во Појасот Газа преку преминот Рафа со Египет.

Тоа беа првите камиони кои влегоа во Појасот Газа откако Израел воведе блокада пред две недели по нападот на Хамас.

ФОТОГАЛЕРИЈА: Во Газа пристигна првата хуманитарна помош