Американскиот претседател Џо Бајден потпиша 50 закони на Бадник, додека неговиот мандат се приближува кон крајот.

Меѓу нацрт-законите потпишани од американскиот претседател во заминување се нацрт-законот на Парис Хилтон за заштита на тинејџерите кои живеат во установи за лекување и нацрт-законот за спречување на членовите на Конгресот да собираат дежавни пензии доколку бидат осудени за одредени кривични дела поврзани со јавна корупција.

Претходниот закон им дозволуваше на членовите на Конгресот да продолжат да добиваат чекови само откако ќе бидат исцрпени сите жалби. Новиот двопартиски закон доаѓа откако сенаторот Боб Менендез од Њу Џерси оваа година беше осуден за користење на своето политичко влијание во корист на бизнисмените и странските влади во замена за мито.

Уште еден нов закон го направи белоглавиот орел официјалna птица на Соединетите Држави. Федералната влада никогаш не назначила национална птица претходно.

Во понеделникот, претседателот Бајден помилува 37 од 40-те федерални затвореници на кои им се заканува смртна казна, менувајќи им ја казната со доживотен затвор без можност за условно ослободување. Овој потег предизвика и вознемиреност и пофалби. Бајден, исто така, стави вето во понеделникот на нацрт-законот со кој ќе се изберат 66 нови федерални судии, велејќи дека Претставничкиот дом го избрзал без да реши важни прашања за тоа како ќе се спроведе.