Жена од Битола ѝ дала на бајачка златен накит, а за возврат таа требало да „ѝ растури магија“, информираат од битолската полиција. Но, лажната бајачка побегнала со накитот, без воопшто да ѝ бае на измамената битолчанка.

На 04.11.2021 во СВР Битола, 51-годишна жена од Битола пријавила дека била измамена од едно женско лице, кое ја довело во заблуда дека може да и растури магија доколку добие од неа златен накит кој подоцна ќе и го врати. Според пријавеното, пријавителката и дала три парчиња златен накит, по што лицето заминало и не се вратило. Се преземаат мерки за расчистување на случајот, велат од полицијата.