Баерн Минхен повеќе од година дена се обидува да го продаде Кингсли Коман (29), а сега конечно доби конкретна понуда од Ал Наср вредна 30 милиони евра. Иако Баварците првично бараа 50 милиони, подготвени се на флексибилни преговори, бидејќи играчот следното лето влегува во последната година од договорот.

Ал Наср му нуди на Французинот тригодишен договор со можност за заработка до 75 милиони евра (60 милиони загарантирани). Со доаѓањето на Луис Дијаз, местото на левото крило во Баерн е речиси сигурно за Колумбиецот, што ја прави продажбата логичен потег за сите страни.

Клубот од Ријад, каде што настапува Кристијано Роналдо, ова лето веќе ги донесе Жоао Феликс и Иниго Мартинез, а Кингсли Коман би бил уште едно големо засилување пред крајот на преодниот рок.