Освен што стана вирална, една објава на социјалната платформа „Редит“ предизвика и жестока дебата. Имено, приказната за девојчето Зои ја објави „Њујорк пост“, а сето тоа се случило кога една жена опишала како нејзината мајка ја избричила главата на својата ќерка без да побара дозвола.

Таа објасни и дека нејзиното тригодишно девојче е дете од мешан брак.

„Јас сум бела, а мојот сопруг Тајлер е црн. Нашата ќерка Зои има густа, кадрава коса и јас секогаш добро се грижев за неа. Таа апсолутно ги сака нејзините кадрици и двете имаме кадрици – заедно правиме различни фризури”, напишала жена.

За разлика од нив две, бабата по име Сузан била против локните на Зои од првиот ден.

„Од почетокот ни кажа дека Зои изгледа ‘толку диво’, дека е ‘премногу коса за девојка’ и неколку пати ме праша дали нема да биде полесно ако ѝ ја исправиме косата. Секогаш одбивав. Мислев тоа беше само безопасно незнаење, до минатата недела“, опишала оваа жена која додека мајка ѝ ја избриќила главата на ќерката била на работа.

„Имавме итен случај, а мајка ми која живее во наша близина се понуди да се грижи за Зои. Кога дојдов да ја земам, за малку ќе се онесвестив, нејзините убави кадрици беа целосно исчезнати. Мајка ми го избричи моето дете ќелаво. Почнав да врескам “, опишалажената.

Кога ја прашала мајка си што се случило, таа само ги крена рамениците и рекла дека ѝ направила услуга на малото девојче и дека сега „изгледа уредно и пристојно“.

„Ми кажа дека косата ќе ѝ порасне и дека сега ќе биде вистинска“, изјавила мајката на Зои.

„Целосно очајна и бесна, плачејќи го грабнав детето и излегов од куќата на мајка ми. Кога стигнавме до мојата куќа, не можев да се смирам. Зои постојано ја чешаше главата, а јас бев на работ на нервен слом размислувајќи дека мајка ми направила нешто неприфатливо решив да повикам полиција и да го пријавам инцидентот како напад“, истакнала оваа жена.

Полицијата дојде и зела изјави од сите кои биле дел од непријатната ситуација.

„Земаа изјави и од мене и од мајка ми, па подоцна ја доведоа на сослушување. После тоа се јави татко ми кого секогаш го сакав и почитував. Беше бесен, рече дека сум претерала. Дека мајка ми само се обидувала да помогне, а јас сум претерала кога повикав полиција“, напишала жената која била скршена од неговата постапка.

„Одговорив велејќи дека мајка ми нема право да ја допира косата на Зои, дека не ги почитува моите граници, како родител и дека нема да го толерирам тоа“, додала таа.

Сега нејзините родители не разговараат со неа, а сопствените сестри ја нарекле „сурова“.

Објавата на социјалната платформа „Редит“ предизвика и жестока дебата кај корисниците на Интернет.

„Не си сурова, туку мајка ти е“; „Сузан ја преминала границата, не ти“; „Твојата мајка ќе зборуваше поинаку ако некој и ја избричеше главата“; „Срам да му е на татко ти што ја поддржува. Сечењето нечија коса без дозвола е криминал на многу места“, биле само дел од коментарите за поддршка.