Долгогодишната правна битка меѓу поранешните сопружници Бред Пит и Анџелина Џоли ги одвои и нивните деца од родителите на Пит, кои порано „живееле за своите внуци“, а сега не ги виделе осум години, пишува „Дејли мејл“.

Бред Пит се отуѓи од ќерката Шајло (18) и близнаците Нокс и Вивиен (16), како и од неговите три посвоени деца Медокс (23), Пакс (20) и Захара (19), по жестока расправија со Џоли во нивниот приватен авион во 2016 година, по што глумицата поднесе барање за развод.

Упатените откриваат дека и бабата и дедото Вилијам и Џејн Пит страдале во текот на целиот процес и стравуваат дека можеби „никогаш повеќе нема да можат да поминуваат време со децата на нивниот син“.

Пред тоа, грижливите баба и дедо беа многу присутни во животот на децата и често беа фотографирани како уживаат во квалитетно време со нив, рекол извор за „Дејли мејл’.

„Пред разводот тие беа дел од животот на децата и сите поминуваа многу време заедно“, продолжи изворот. „Жално е да се види дека веќе не е така. За Џејн и Бил е тажно што немаат контакт со своите сакани внуци. Тие се во нивните 80-ти и мислат дека никогаш повеќе нема да можат да поминуваат време со нив е едноставно неверојатно.“

Бил (83) и Џејн (84) последен пат беа фотографирани во јавност со нивните внуци на премиерата на филмот на Анџелина Џоли „Unbroken“ во 2014 година.

Џејн тогаш имала само пофалби за Анџелина и им рекла на новинарите: „Многу сме горди на Енџи. Ова значи многу за нашето семејство, особено за нашите внуци. Многу ја сакаме.“

Анџелина во минатото со љубов зборуваше за родителите на Бред поради тоа како тие ги прифатиле нејзините посвоени деца. „Кога првпат ги запознав, дојдов со две посвоени деца од други земји и не знаев како ќе ги примат“, рече таа. „Но, тие се и кон нив подеднакво полни со љубов“.

Односот на Бред со неговите деца се влошил до таа мера што тој „практично нема контакт“ со тројцата најстари. Захара го отфрли „Пит“ од своето презиме во ноември 2023 година, пред и Вивиен да го следи примерот во јуни оваа година. Шајло им се придружи во август кога му плати на сопствениот адвокат за официјално да го отфрли „Пит“ од нејзиното презиме.

Одлуката ги погодила Бил и Џејн, кои биле принудени да гледаат како се одвиваат работите од нивниот дом во Мисури. Друг извор додал дека отуѓувањето било „трагично“ за двете страни.

„Тие се баба и дедо кои живеат за своите внуци, но не ги виделе со години“, велат изворите. „Трагично е за двете страни“.