Пратеникот на коалицијата „Вреди“, Аднан Азизи, вели дека оваа влада „ќе го затвори прашањето за државните симболи“ и смета дека околу ова прашање „може да се најде решение кое ќе ги помири двете најголеми заедници во земјата“.

Во емисијата „Дијалог кај Лајм“, Азизи рече дека премиерот Христијан Мицкоски „нема националистички оптоварувања“ и дека е „подготвен за официјализирање на албанскиот јазик“.

„Има решение што ги помирува двете заедници и за прашањето за симболите, и за прашањето за химната и за официјализирање на албанскиот јазик, за што да бидам искрен, Мицкоски има подготвеност, не е националистички оптоварен и тој е премиер кој рационално пристапува кон темите и го чекаме моментот овие теми да не ги наследат другите генерации. Во нашиот мандат ќе се реши прашањето за албанскиот јазик, химната, грбот и сите други симболи“, рече пратеникот.

Целата емисија со гостинот Азизи ќе се емитува во 18 часот и 30 минути.