Возач на автомобил синоќа прегазил маж и жена на тротоар на улицата „Туристичка“ во Охрид, по што жената починала на самото место.

Според информациите од МВР, несреќата се случила околу 22 часот, на кружниот тек на булеварот „Туристичка“ кај поранешниот „Минимаркет“, кога возачот на „Голф“ преминал преку кружниот тек, ја пробил заштитната ограда, изгубил контрола и завршил на тротоарот, па во оградата на охридската гимназија, притоа удирајќи ги сопружниците.

Тешко повредената 44-годишна охриѓанка им подлегнала на повредите, додека нејзиниот сопруг по примената медицинска помош со телесни повреди своеволно ја напуштил болницата.

Причините за околностите што довеле до несреќата ќе ги утврди истрагата.