Жена од Штајр, Австрија, започнала потрага на Фејсбук со надеж дека ќе го најде партнерот кој исчезнал додека биле на одмор во Хрватска.

Парот бил на заеднички одмор во Хрватска кога се скарале, по што мажот исчезнал. Хрватските медиуми пишуваат дека расправијата била на бензинска пумпа. Настанот се случил пред повеќе од десет дена и оттогаш таа очајно го бара. Според австриските медиуми, мажот во моментот на исчезнувањето немал со себе ниту документи, ниту пари, туку само стар мобилен телефон, објави магазинот „Феникс“.

Неговата партнерка во очај се обратила до различни групи на Фејсбук за да ѝ помогнат да го најде. Контактирала и со хрватската полиција, но засега без никакви резултати, јавуваат австриските медиуми.

– Не е прв пат маж ми да побегне по конфликт – изјавила таа за тамошните медиуми.

Според истите медиуми, тој обично по расправијата секогаш брзо се враќал, но во овој случај поминати се 10 дена. На страницата Nestali.hr е наведено дека исчезнатиот Австриец Кристоф Кални исчезнал во Ловран, а во моментот на исчезнувањето заминал во непознат правец. Станува збор за маж со висина од 170 см, сина боја на очи а имал  обетка на едното уво. Исчезнал на 17 месецов во Ловран. Случајот со исчезнувањето го води приморско-горанското ЈП.