Европските аеродроми се во средината на уште едно напорно но и помалку хаотично лето, бидејќи глобалниот број на патници се заздравува на нивоата пред пандемијата додека повеќето аеродроми се зафатени од штрајкови и незадоволства на вработените поради нивните барања за зголемување на приходите и подобрување на условите за работа.

Сепак и покрај ваквите тешкотии за авиосообраќајот низ Европа авиокомпаниите соопштија дека се подготвени да избегнат повторување на минатогодишниот хаос од патувањата, откако штрајковите и недостигот на персонал ги принудија да откажат илјадници летови за да избегнат долги редици на главните аеродроми. Светските медиуми предупредуваат дека европското небо ова лето може да се соочи со сообраќаен хаос а патниците да се подготват за долги чекања на аеродромите но и голем број на откажани летови.

Обединето Кралство

На 23 јуни, британските служби за обезбедување на аеродромот Хитроу ги прекинаа 31-дневните штрајкови во најпрометниот британски воздушен центар. Повеќе од 2.000 вработени ја прифатија подобрената понуда за зголемување на платите од 15,5 проценти до 17,5 проценти. На аеродромот во Бирмингем, околу 100 безбедносни службеници и техничари со слични барања како и на колегите од Хитроу на терминалот планираат да започнат континуирани штрајкови од 18 јули. Медиумите пренесуваат дека штрајковите сериозно ќе влијаат на безбедноста на аеродромот и одржувањето на терминалот, што ќе доведе до доцнење на летовите, соопшти синдикатот Јунајт. Од синдикалното движење, исто така,соопштија дека работниците кои им помагаат на патниците со потешкотии во движењето на аеродромот во Глазгов ќе започнат два 24-часовни штрајкови почнувајќи веќе 6 јули.

Франција

Состојбата со аеродромите не е ништо поразлична и во Франција. Таму штрајковите на контролорите за летање (ATC) доведоа до одложувања и ограничувања на летови низ земјата, предизвикувајќи поголем метеж во воздушниот простор на Европа. Неодамна, францускиот регулатор за воздухопловство побара од превозниците да се откажат третина од нивните летови од аеродромот Париз токму поради планираниот штрајк на АТЦ. Францускиот регулатор за воздухопловство исто така, побара од компаниите да ги намалат летовите за 20 отсто во Лион, Марсеј, Ница, Тулуз, Бордо и Нант и ги повика патниците да ги одложат своите патувања доколку е можно. Рајанер на 6 јуни објави дека мора да откаже 400 летови поради 36-часовен штрајк, од кои повеќето не одат во Франција.

Италија

Италијанската компанија за контрола на летање ЕНАВ како што пренесе Ројтерс нема да штрајкува во италијанскиот сектор за воздушен транспорт помеѓу 27 јули и 5 септември поради летното ослободување предвидено во индустриските регулативи.

Шпанија

Пилотите на регионалната компанија „Iberia Air Nostrum“, кои од 27 февруари штрајкуваат секој понеделник и петок, од 6 јуни стапија во секој дневен неопределен штрајк поради спорот околу платите. Од 4 јули, Iberia објави на својата веб-страница дека летовите може да бидат засегнати и понуди флексибилни цени за некои патници кои патуваат до 6 јули на линиите што ги оперира оваа авиокомпанија. Две недели штрајкуваа и пилотите на „Ер Европа“ во Шпанија на 19 јуни. Шпанија најави дека очекува да прими повеќе туристи во летото 2023 година отколку пред пандемијата ковид-19.

Шведска

Шведскиот синдикат на транспортните работници на 30 јуни го повлече најавениот штрајк и блокадата на контролорите на аеродромите, планиран да започне на 3 јули, откако се постигна нов договор за надзор и безбедност.

Швајцарија

Во меѓувреме женевскиот аеродром исто така постигна договор со вработените во аеродромот на 30 јуни за прекин на штрајкот поради платите, откако истото утро воздушниот сообраќај беше блокиран околу четири часа. Меѓу работниците кои штрајкуваа имало и персонал за обезбедување и итни случаи.

Белград и Загреб очекуваат преоптоварување

Авиосообраќајот низ Европа брзо се приближува до нивото пред пандемијата, а според Еуроконтрол летово би можело да стане уште похаотично, оценува „Индипендент“, посочувајќи дека Белград и Загреб се меѓу градовите каде се очекува метеж. Европската организација за безбедност на воздушниот сообраќај предупреди на можни проблеми во седум клучни центри за контрола на летање во текот на јули.

Во Белград и Загреб, според податоците на британскиот весник „Индипендент“, големи товари се очекуваат во сабота на 8 и 15 јули. Поради големата гужва во многу туристички центри расте незадоволството кај локалните жители, па локалните власти воведуваат мерки за ограничување на гостите кои сакаат да се одморат и да се релаксираат, пишуваат светските медиуми.

Луѓето кои сакаат да патуваат со авион во наредните месеци се предупредени за „интересно и предизвикувачко лето“ бидејќи се очекува контролата на воздушниот сообраќај да биде преоптоварена на многу клучни локации, наведува Тајмс.

Европската организација за безбедност на воздушниот сообраќај Еуроконтрол го издаде ова предупредување на почетокот на летната сезона, предвидувајќи дека во следните осум недели ќе има околу 33.000 летови дневно низ Европа, што е зголемување за околу осум проценти во споредба со 2022 година. Летното лудило во Европа веќе започна во јуни, според Си-Ен-Ен, се очекува зголемена фреквенција на летови во многу европски центри кои веќе се полни со туристи и со распродадени хотели, преполни музеи и ресторани, особено во градовите како Барселона, Рим и Париз.