Германската компанија „Ауди“ привремено го прекина извозот на автомобили на американскиот пазар, реагирајќи на царинската политика на претседателот Доналд Трамп, објави дпа.

Магазинот „Automobilwoche“ наведува дека одлуката се однесува на сите возила кои не пристигнале во американските пристаништа до 2 април, кога стапи на сила царината од 25 отсто за увезените автомобили.

Компанијата веднаш не ја коментираше веста, која цитираше интерен меморандум до американските дилери.

„Ауди“ во САД сега има повеќе од 37.000 автомобили на залиха. Тие возила не се оптоварени со нови давачки.

Според извештајот на списанието, „Ауди“ сега го анализира ефектот на американската тарифа врз својот бизнис.

Производителот на луксузни автомобили со седиште во Инголштад е дел од групацијата „Фолксваген“.