„Во нормална, цивизилирана и демократска земја не треба да изненадува средба меѓу претседателот на државата и лидерот на опозицијата. За жал, во изминатите 33 години повеќепартиска демократија бевме сведоци дека не само што немаше комуникација меѓу претседателот на државата и лидерот на опозицијата, туку често пати имаше обвинувања дека претседателите се фокус илои продолжена рака на власта што апсолутно е лошо за една држава која е членка на НАТО и претендира да стане членка на Европската Унија, истакна Благојче Атанасоски, политички аналитичар, во вечерашната дебата во „Топ тема“ на „Телма“.

„Но, тоа зависи од личниот дигнитет и интегритет на самиот човек кој ја ползува, испразнува претседателската функција. Се надевам дека новата претседателка, покрај тоа што нормално, политичко партиски, беше номинирана од најголемата партија, победничка на претседателските и парламентарните избори, ќе се покаже доволно доблесна да направи една еквидистанца, кога станува збор за комуникација, артикулација на ставовите на политичките партии и преку тоа ќе покаже дека е претседател на сите граѓани, а не е само претседател во служба на политичката партија преку која била номинирана. Оттука сметам дека тие средби меѓу претседателот и лидерот на опозицијата треба да бидат почести, кога станува збор за разговарање за клучните суштински теми околу кои може да дадат свој политички удел“, потенцира Атанасоски.