Роберт де Ниро сведочеше во понеделникот во Њујорк, на судење што произлезе од тужбата на поранешна лична асистентка Греам Чејс Робинсон, од која актерот беше обвинет за низа прекршоци кои се движат од родова дискриминација до злоупотреба на работното место, пишува „Гардијан“.

Де Ниро, кој на моменти изгледал згрозен, се воздржувал да не избувне при неговата интеракција со неа пред конечно да изговори: „Сето ова е глупост!“

Правната битка меѓу ѕвездата и неговата поранешна вработена започна во 2019 година, кога продукциската куќа на Де Ниро ја тужеше Робинсон за наводно крадење од компанијата, потоа гледање Нетфликс со часови на работа и кражба на Де Ниро, каде што беше обвинета дека украла милиони долари.

Робинсон тогаш поднела од контратужбата за родова дискриминација од 12 милиони долари, обвинувајќи го Де Ниро за сексуално вознемирување и друго недолично однесување за време на нивната децениска работна врска.

Откако Де Ниро беше поднесена тужба против неа во август 2019 година, Робинсон го обвини дека ѝ доделил стереотипни женски работни обврски кои не се во согласност со нејзиното работно место.

Робинсон тврдела дека актерот ја принудил да ги средува неговите боксерки, да му ги пере чаршафите и да му ја постави масата. Во тужбата се наведува и дека Де Ниро и наредил на г-ѓа Робинсон да го чешка по грбот, да му ги закопчува кошулите и да го разбуди додека бил во кревет.

Понатаму, во тужбата се наведува дека Де Ниро стоел со скрстени раце додека неговиот пријател ѝ удирал шлаканица на Робинсон, а поранешната вработена во продукциската куќа вели дека Де Ниро исто така уринирал за време на телефонските разговори и ја пречекувал облечен само во пижами или во пењоар.

Инаку, Греам Чејс Робинсон почна да работи за актерот и неговата продукциска куќа Canal Productions во 2008 година. Судењето, кое започна во понеделникот, треба да трае две недели.