Асанж ќе се жени во затвор, ќе носи килт од прочуената британска дизајнерка
Основачот на „Викиликс“ Џулијан Асанж ќе се венча во затворот Белмарш на 23 март во присуство на четворица гости.
Препорачано
-
1
-
2
-
3
Асанж ќе се ожени со адвокатката Стела Морис, која ја запозна додека живееше во амбасадата на Еквадор во Лондон. Двојката има две деца. Прочуената британска дизајнерка Вивиен Вествуд, голема обожавателка на Асанж, дизајнираше венчаница за Морис, како и килт за Асанж, кој има шкотско потекло.
Свадбената церемонија ќе биде организирана во затворот Белмарш, три години по апсењето на основачот на „Викиликс“.
И двајцата реккле дека се многу возбудени, и покрај бројните ограничувања – дозволени се четворица гости, кои ќе мора да го напуштат затворот по завршувањето на церемонијата.
Парот сѐ уште чека одлука дали може да ангажира фотограф.
Жената која му роди две деца на Асанж отворено проговори за нивната голгота (ФОТО+ВИДЕО)
Која е Стела Морис, свршеницата на Асанж?
Стела Морис (37) е адвокатка и членка на правниот тим на Асанж. Родена е во Јужна Африка и има шпанско и шведско државјанство, а речиси 20 гоидини живее во Лондон.
Во интервју за „Тајмс“ лани рече дека „екстрадицијата за Асанж била смртна казна“.
– И за остатокот од нашето семејство би значело слично. Моите деца се без татко, а јас би го загубила мажот кој го сакам: Дури и сега не знам дали таткото повторно ќе ги држи во прегратка – рекла Морис.
Говорејќи за нивната врска, Морис рекла дека се знаат многу години и дека се вљубиле.
– Имавме стабилна, долга врска и сакавме да основаме семејство – рече таа.
Инаку, двојката веќе извесно време планирала да се венча, прво во амбасадата, а потоа во Белмарш, но сите планови беа ставени на чекање поради пандемијата од коронавирус.
Асанж ја запросил Стела кога била бремена со нивното прво дете.
Асанж, австралиски државјанин, беше уапсен откако помина повеќе од шест години во амбасадата на Еквадор додека се бореше да избегне екстрадиција во Шведска, откако „Викиликс“ објави стотици илјади документи кои протекоа во врска со војните во Авганистан и Ирак.
Во јануари, тој победи во првата фаза од жалбата за борба против екстрадицијата во САД, каде што се соочува со обвиненија за шпионажа.
