Одраз на слабост е кога наместо одговор на поставените прашања, се возвраќа со закана – смета градоначалничката на Скопје Данела Арсовска во врска со несогласувањата со министерката за култура за Универзалната сала. Според Арсовска, не може ништо да се крие под тепих и затоа ги гледаме резултатите од тоа што некој сакал да прескокне процедури сметајќи дека нема да биде откриен.

„И претходното градско раководство ја оценило реконструкцијата на Универзалната Сала како ризичен зафат согласно проектот кој тогаш бил отпочнат и ги запрело постапките. Не гледам зошто би продолжила да раоботам со нешто кое било оценето како небезбедно и не постои начин како безбедно да се изведува, јас да ставам „параф“ за да се задоволи нечија суета. Не постои кривична пријава за клевета, а доколку не сум 100% во право не би се залагала за одредено нешто, туку ќе се повлечам. Не се колебам, две години сум на ист став, а некој одлучи да прескокне процедури сметајќи дека нема да биде откриен и резултатите за тоа ги гледаме. Чекам надлежните да ја отркијат причината за пожарот во Универзалната Сала. Наместо одговори, добивме само напади, не може се да се крие под тепих и секогаш кабелот да биде виновен“, рече Данела Арсовска во Само Вистина.

Откако министерката најави тужба поради, како што рече, клеветите на Арсовска, градоначалничката рече дека не ја плашат тужбите и дека мора да се одговори како била осигурана Универзална сала.