Ракометниот клуб Еурофарм Пелистер 2 ја информира јавноста дека ракометарот Филип Арсеновски во иднина ќе го носи дресот на швајцарскиот клуб Амичитија Цирих.

Клубот и ракометарот дојдоа до коректен спогодбен раскин, иако Арсеновски имаше договор и за остатокот на сезоната.

Овој 24-годишен пивот дојде во битолската екипа во сезоната 2019/20 и одигра две и пол сезони на високо ниво, со професионален пристап и максимално залагање. Клубот му се заблагодарува и му посакува многу успеси во следните предизвици.

Арсеновски ги помина сите младински категории на Металург, а сега ќе го има и својот прв интернационален предизвик.

Амичитија во чии редови настапува и десното крило Мартин Поповски, моментно во најсилната швајцарска ракометна лига по 21 коло се наоѓа на четвртото место со 24 бодови.