Арсенал игра одлична сезона во која е лидер во англиската Премиер лига, иако пред почетокот ретко кој очекуваше, сега тимот предводен од Артета сигурно чекори кон освојување на титулата.

Еден од најдобрите играчи на Арсенал е одличниот млад напаѓач Габриел Мартинели. Арсенал утрово објави дека напаѓачот потпишал нов договор со важност до 2027 година.

Претходниот договор на Мартинели истекуваше на крајот на следната сезона, а во него Арсенал имаше опција да го продолжи за две години. Сепак, во клубот сакаа да го обезбедат Мартинели на подолг период, но и да го наградат со подобри услови.

Следни со кои Арсенал сака да ја продолжи соработката се централниот бек Вилијам Салиба и крилниот играч Букајо Сака.

Gabriel Martinelli ? The Arsenal

— Arsenal (@Arsenal) February 3, 2023