Вчера, аргентинскиот министер за економија на прес-конференција објави дека неговата земја ќе го користи јуанот наместо американскиот долар во плаќањата со Кина, пренесе Радио Кина, објави „24Часа.бг“.

Тој нагласи дека договорот за размена на валути меѓу Аргентина и Кина не е само корисен за зајакнување на девизната резерва, туку и ќе ја стимулира билатералната трговија.

Аргентинскиот министер нагласи дека по потпишувањето на договорите меѓу претпријатијата од двете земји, Аргентина ќе плати во јуани за кинески стоки во вредност од околу 1,04 милијарди американски долари за соодветниот месец.