Како што официјално информираат од бугарскиот прволигашки клуб Славија Софија, нивни нов играч е македонскиот фудбалер Филип Антовски.

Нашиот играч до крајот на натпреварувачката сезона 2020/21 ќе игра како позајмица во Славија Софија од редовите на хрватската екипа Динамо Загреб.

Славија Софија настапува во најсилната бугарска лига, а во новата сезона после четири одиграни кола е на претпоследното место моментно на табелата со само еден освоен бод.

Во изминатиот период одбранбениот играч Антовски (19) беше дел од репрезентативните обврски со младата У21 репрезентацијата во квалификациите за ЕП.

Играше за вториот тим на „модрите“, но во последната сезона запиша и седум настапи за првата екипа во елитата.