Новиот претседател на нашата кошаркарска федерација, Антиќ говореше во интервјуто за „ФИБА“. Антиќ имаше блескави моменти на кошаркарските патеки, со репрезентацијата успеа на ЕП 2011 година да дојде до историското четврто место.

– Магичен момент. За мене е најголемиот успех во мојата кариера. За нешто што го сакате, за нешто што работите да ги направите луѓето среќни, тоа е најголемата цел. Севкупно, се надевам дека ќе направиме чекор напред, но мораме да одиме чекор по чекор. Јас сум оптимист – се зборовите на Антиќ.

Најдобрите македонски кошаркари се изборија за квалификациите за Европското првенство 2021 година.

– Сите имаат шанса. Кошарката е интелигентен спорт. Имаме добар тим. Не се мешаме во одлуките на стручниот штаб, наше е да им дадеме поддршка на играчите, мотивација и условите кои што им се потребни. Од моја гледна точка, со добра хемија во тимот, успехот може да дојде – додаде Антиќ.

View this post on Instagram

Basketball family ? ?? #dejantomasevic #dudaivkovic #todorgecevski

A post shared by Antic Pero Official Instagram (@cickostoilko) on May 10, 2019 at 1:25pm PDT

Во периодот од 2013-2015 год. беше член на Атланта Хокс, промовирајќи се како првиот Македонец кој што настапил во најсилната кошаркарска лига на светот.

– Се надевам дека нема да бидам единствениот Македонец кој што играл во НБА лигата. Има таленти, само треба да се работи со нив. Да се работи со младите генерации е голем предизвик за мене. Да им помогнеме да се развијат, имаме добар материјал, но не и трпение – вели Антиќ.