Дваесет и двегодишната Ангела Ѓоргиевска од Скопје повторно е осудена на казна затвор од 19 години, откако претходно скопска Апелација и ја укина првостепената пресуда според која обвинетата ја доби истата казна.

На Ангела Ѓоргиевска и се судеше за помагање на убиството. Првообвинет во овој случај беше Али Фуркан кој уште е во бегство. Тој со пушка го застрелал во главата Пино Секондо во присуство на осудената Ѓоргиевска која пак според пресудата помогнала безживотното тело да го внесат во кола и да го закопаат во атарот на Љуботен.

Пино со месеци се водеше како исчезнат, а потоа случаен минувач најде остатоци од неговото тело.