Андреас Трајковски, член на Атлетскиот клуб „Работнички“ и репрезентативец на Македонија, освои прво место во скок во далечина на атлетски митинг во Грција.

Со скок од 7,84 метри (+0.3 м/с) во последната серија нашиот атлетичар дојде до првата позиција на меѓународниот атлетски митинг „Филатхлитикос Калитхеас“ кој е од серијата бронзени митинзи под капата на Светска Атлетика.

На второто место се најде Британецот Алесандро Шенини (7,22), а третото Жил Помери од Франција (7,66). Резултати ТУКА

Со оваа победа и Трајковски се очекува да скокне на Европската ранг листа во скок во далечина со што останува во игра за пласман на Европското првенство во атлетика, кое од 7 до 12 јуни ќе се одржи во Рим, Италија.

Ова претставува негов најдобар скок за оваа сезона, а неговиот и македонски рекорд изнесува 7,91 м.

Следен натпревар за Трајковски ќе биде оваа сабота (10.00 часот) во Скопје на Национаното Сениорско првенство на Националната Арена „Тодор Проески“.