Фудбалскиот клуб Арсенал подготвува големи промени со новиот спортски директор Андре Берта. Според последните информации од Англија, новиот спортски директор веќе си ја дал првата задача, а тоа не е еден, туку двајца централни играчи од средниот ред.

Веќе некое време е познато дека прва мета е Мартин Зубименди, за кого Арсенал сака да плати откупна клаузула од 60 милиони евра. Тој наводно веќе ги договорил личните услови со Арсенал, но тој не е единствената цел на Берта.

Негова голема желба е и Бруно Гимараеш од Њукасл, кој нема да биде лесна мета. Њукасл не сака да го продаде ниту него ниту Александар Исак, но ќе биде во многу потешка позиција да ги задржи доколку не се пласираат во Лигата на шампионите.

Берта планира да ги доведе Зубименди и Гимараеш, бидејќи е јасно дека Томас Партеј и Жоржињо ќе си заминат на лето, кога ќе им истечат договорите.

Сепак, јасно е дека Арсенал би требало да инкасира до 150 милиони евра за да купи нов тандем во средниот ред.