Анчелоти за изјавата на Фиго: Фудбалерите немаат проблем да прифатат помали плати за помалку натпревари
Актуелна тема во фудбалскиот свет во последниот период е густиот распоред кој го наметнуваат ФИФА и УЕФА, а по најавите за штрајк од фудбалерите, зборуваше Луис Фиго, а сега се огласи и тренерот на Реал Мадрид, Карло Анчелоти.
Препорачано
Фиго им порача на фудбалерите дека доколку сакаат да се намали бројот на натпревари ќе мораат да прифатат и помали плати. Анчелоти кој го води Реал Мадрид тврди дека тоа не би им било проблем на фудбалерите.
„Ќе го повторам тоа што веќе го кажав. Фудбалот мора да забави, погледнете што се случува, се игра премногу. Играчите мораат да играат помалку за да избегнат повреди, нема да имаат проблем ако им се намалат и платите“, изјави Анчелоти.
Со новиот формат на Светското клупско првенство одредени фудбалери во една сезона би можеле да достигнат бројка и од 70 натпревари, па токму и затоа се реакциите кај поголем дел од фудбалерите.
Алисон за новиот формат во ЛШ: Никој не ги прашува играчите, нашето мислење можеби не е важно
Дани Карвахал се закани: Размислуваме за штрајк, никој ништо не ги прашува играчите
