Поранешниот началник во МВР, Љубомир Ѓурчевски, вечерва во емисијата „24 анализа“ рече дека во Агенцијата за национална безбедност (АНБ), откако се формираше (како наследничка на некогашната Управа за безбедност и контраразузнавање – УБК), се залагал таа да се издвои од МВР и да биде во надлежност на премиерот.

– Ние зборуваме за нарушен систем на национална безбедност, поврзано со издавање пасоши на криминални групи кои беа откриени и во тој дел е и оваа патна исправа. Во законот се вели во членот 3 кои се условите за стекнување на државјанство и членот 16 Владата ќе го искористи за одземање на државјанството како неприкосновено право на Владата. Сите јасно утврдивме дека станува збор за класична злоуотреба на службена положба од институција. Премиерот мора на дневно ниво да биде информиран од АНБ и Димовски. Апсурдно е да се враќаме на она што било во минатото“, вели Ѓурчевски.