Американскиот секретар за одбрана Лојд Остин денеска го осуди ообидот за атентат врз поранешниот американски претседател Доналд Трамп на предизборен митинг во Пенсилванија.

– Целото Министерство за одбрана го осудува ова насилство кое нема апсолутно никакво место во нашата демократија – напиша Остин на социјалната мрежа Х.

Тој нагласува дека тоа не начин на кој се решеваат несогласувањата во Америка.

– Со олеснување ги добив извештаите дека поранешниот претседател Трамп е безбеден и се молам за неговото семејство и за сите оние кои се погодени од овој ужасен инцидент – додаде Остин.

Обидот за атентат врз поранешниот американски претседател Доналд Трамп беше извршен во денеска на предизборен митинг во Пенсилванија од страна на 20-годишниот Томас Метју Крукс. Трамп беше ранет во увото, но сега се чувствува добро, додека напаѓачот е убиен. Во нападот загина едно лице, а две се ранети.