Американската нафтена и гасна корпорација Exxon Mobil денес објави дека ќе отпушти 2.000 работници ширум светот како дел од реструктуирањето, што претставува помеѓу три и четири проценти од нејзината работна сила. Exxon моментално вработува околу 61.000 луѓе низ целиот свет, а процесот на реорганизација следеше по минатогодишното преземање на американската компанија PNR вредна 60 милијарди долари.

Одлуката е продолжение на поширок бран отпуштања во нафтената и гасната индустрија, која е погодена од падот на цените на нафтата и консолидацијата на големите играчи на пазарот, објавува Ројтерс.

Глобалниот енергетски сектор со месеци минува низ бран на намалување на работните места. „Шеврон“ планира да отпушти помеѓу 15 и 20 проценти од својата работна сила, „Бритиш петролеум“ повеќе од пет проценти, додека „КонокоФилипс“, со седиште во Тексас, најави намалување на цената од дури 25 проценти.

Цената на суровата нафта од типот „Брент“ падна за околу 10,5 проценти од почетокот на годината, поттикната од зголеменото производство на ОПЕК и неизвесноста околу трговската политика на САД.

Аналитичарите предупредуваат дека континуираната нестабилност на пазарот и одложувањата на инвестициите дополнително ќе ги оптоварат енергетските компании, бидејќи „Ексон“ и неговите конкуренти бараат начини да ги прилагодат своите операции на новите услови.