САД кренаа борбени авиони откако руски авион за извидување и надзор беше забележан во близина на Алјаска. Инцидентот се случи во четврток, а беше потврден од Северноамериканската команда за воздушна одбрана НОРАД (NORAD), пишува Њузвик.

Според соопштението на NORAD, во операцијата за пресретнување учествувале еден авион за рано предупредување и контрола E-3 Сентри, два ловци Ф-16 и еден танкер KC-135. Нивната мисија била да пресретнат руски авион ИЛ-20 КООТ кој летал во рамките на Зоната за идентификација на воздушната одбрана на Алјаска (АДИЗ).

НОРАД: Не е закана

Командата нагласи дека руските авиони не го нарушиле воздушниот простор на САД или Канада.

„Руските воени авиони останале во меѓународниот воздушен простор и не влегле во суверениот воздушен простор на САД или Канада“, се вели во соопштението на НОРАД. „Оваа руска активност во воздушниот простор на Алјаска е рутинска и не се смета за закана“.

Тие исто така додадоа дека секогаш се подготвени да одговорат.