Рајан Краузер, американскиот атлетичар вчера на митингот во Јуџин во сојузната држава Орегон, го собори светскиот рекорд во фрлање ѓуле. Актуелниот олимписки шампион го фрли ѓулето 23.37 метри со што го собори светскиот рекорд кој беше стар 31 година и изнесуваше 23.12 метри, а беше во сопственост на неговиот сонародник Ренди Барнс.

– Од моментот кога ѓулето му ја „напушти“ раката знаев дека е добро фрлање – изјави Краузер за медиумите.
Второто место му припадна на Џо Ковач кој ѓулето го фрли 22.34 метри, додека Пејтон Одердал беше третопласиран со 21.92 метри.
Годинава Краузер го собори светскиот рекорд и во сала, поставувајќи нова најдолга должина од 22.82 метри и сигурно е дека ќе биде главен фаворит за освојување на златниот медал на Олимписките игри во Токио.