Една од најдобрите американски кошаркарки и двојна олимписка шампиока, Бритни Гринер е уапсена во Москва  и се соочува со максимална казна до десет години.

Адвокатите на кошаркарката објавија дека Гринер била уапсена минатиот месец на московскиот аеродром „Шереметјево“ кога царината кај неа пронашла масло од хашиш.

The Russian Federal Customs Service have released this video in which airport security are seen going through the luggage of a passenger identified as Brittney Griner. pic.twitter.com/gHJ8XoMYvF

— Bryan Armen Graham (@BryanAGraham) March 5, 2022

За поседување на наркотици од овој тип во Русија, е предвидена затворска казна од пет до десет години.

– Свесни сме за ситуацијата во која се најде Бритни. Во постојан контакт сме со неа, со нејзиниот адвокат во Русија, со семејството, со ВНБА и со НБА – изјави Линдзи Колас.

Бритни Гринер како и поголем број на американски кошаркарки во паузата во ВНБА лигата играат во Европа. Гринер настапува за рускиот тим Екатеринбург и во моментот кога беше уапсена се враќаше од САД каде помина две недели поради паузата во руското кошаркарско првенство.

Гринер со репрезентацијата на САД триумфира на Олимписките игри во Рио де Жанеиро во 2016 година и на Игрите во Токио кои се одржаа минатата година. Со екипата на Феникс меркури во 2014 година триумфира во ВНБА лигата.