Американскиот кошаркар Остин Прајс е најново засилување на кошаркарскиот клуб Пелистер по потпишувањето на договор на една сезона со 29-годишниот бек.

Прајс е второто странско засилување за „зелено-белите“ откако претходно беше потпишан договор со Србинот Никола Малешевиќ.

Станува збор за кошаркар со богато искуство во европската кошарка, кој минатата сезона настапуваше во романскиот шампионат како член на Плоешти, каде Прајс имаше просек од 9,6 поени, 2,4 скокови и 1,3 асистенции по натпревар.

Американецот претходно три сезони помина во холандски Ден Бош, беше дел и од израелскиот шампионат како член на Макаби Ра’анана и на Ирони Нес Зиона, а прв ангажман во Европа му беше потписот за бугарски Берое во 2019 година.

Прајс ќе пристигне во Битола во текот на денешниот ден и веднаш ќе му се стави на располагање на тренерот Даскаловски.

Ново име во Битола: Пелистер се засили со репрезентативец на Македонија