Руските хиперсонични противбродски ракети „Циркон“ се сериозна закана за секоја флота и се способни да „направат дупка во носач на авиони“ дури и без нуклеарна боева глава, пренесува американскиот магазин „Нешнл интерс“.

Американскиот магазин посвети посебно внимание на брзината на ракетите „Циркон“.

-Летањето кое е пресметано и се движи со брзина поголема од пет маха (Махов број е мерка за брзина заснована на брзината на звукот. ), ќе обезбеди толку многу кинетичка енергија што дури и боева глава исполнета со бетон ќе предизвика моќен удар кога ќе падне на земја или ќе успее да пробие носач на авиони, вели авторот.

Се вели дека е „исклучително тешко да се заштити од хиперсоничните ракети“ заради нивното маневрирање.

-Тоа е како куршум да се обиде да погоди друг куршум, истакнува авторот.

Весникот наведува дека со ракетите „Циркон“ ќе бидат опремени најновите руски подморници „Јасен“, кои незабележливо можат да бидат под вода неколку месеци.

Комбинацијата на ракетите „Циркон“ и подморницата „Јасен“ е „тивок убиец“, наведува магазинот „Нешнл интерс“.

За Потсетување, најновата руска хиперсонична ракета „Циркон“ првпат е тестирана во почетокот на јануари годинава од фрегата проект 22350 „Адмирал Горшков“.

Покрај подморниците „Јасен“, се планира ракетите „Циркон“ да бидат инсталирани и на подморницата од петта генерација „Хаски“.

Претходно, рускиот претседател, Владимир Путин објави дека најновата ракета „Циркон“ ќе може да погоди цел на оддалеченост повеќе од илјада километри.