Ало 112? Ми треба помош не се разбудив во мојот стан. Заглавен сум во бањата на хотелот и кваката ми остана во рака. Викам никој не слуша? Ова се само дел од повиците кои ги добиваат операторите на бројот за управување со итни повици . „Слободен печат“ помина еден ден во Центарот за управување со кризи. Ивица Додевски раководителот на Одделението за управување со итни повици 112 открива како функционира системот на пријавување на итни случаи и колку повици дневно опслужува службата.

Дали вештачката интелигенција претставува закана за работните позиции на човекот или го оледнува животот? ВИ ја има речиси во сите сфери од животот. Од неодамна постои и првиот македонски ВИ правен асистент. На кој начин функционира? Дали може да го замени адвокатот? Колку чини едно прашање кон ВИ правниот асистент? Разговараме со Димитар Чуковски, основач на „Фактум“.

Проф. д-р Огнен Марина декан на Архитектонскиот факултет во Скопје зборува за големиот јубилеј 75 години од постоење на факултетот.

И за крај разговор со легендарниот Горан Трајкоски од групата „Анастасија“ за актуелната монографија Го- Тра.

Гледајте „Слободен печат“ секој работен ден во 9 часот наутро.