Шпанскиот тенисер Карлос Алкараз се пласираше во осминафиналето на Отвореното првенство на САД, откако денеска во третото коло го победи Италијанецот Лучијано Дардери со 6-2, 6-4, 6-0.

Мечот траеше еден час и 44 минути. Алкараз е втор во светот, додека Дардери е 34 играч на АТП листата.

Шпанецот ќе игра во осминафиналето против победникот од дуел помеѓу Бенжамин Бонци и Артур Риндеркнеш.

Чешкиот тенисер Јиржи Лехечка го победи Рафаел Колињон со 6-4, 6-4, 6-4 и се пласираше во осминафиналето. Лехечка ќе игра во осминафиналната фаза против Бен Шелтон и Адриан Манарино.

Во женска конкуренција елиминација доживеа поранешната победничка на САД опен, Британката Ема Радукану која беше совладана од 10 носителка на турнирот, Елена Рибакина од Казахстан со 6:1 и 6:2 за еден час и три минути игра.

Следна противничка на Рибакина ќе биде победничката од дуелот меѓу Маркета Вондроушова и Жасмин Паолини.