Младиот шпански тенисер Карлос Алкараз продолжува со одличните настапи и полека, но сигурно се приближува до лидерската позиција на АТП листата. Ако ја задржи ваквата форма, веќе наесен би можел повторно да се најде на врвот на светскиот тенис.

Вчера, по тешки три часа и 30 минути борба, Алкараз успеа да го совлада својот сонародник Хауме Мунар со што се избори за пласман во полуфиналето на турнирот во Квинс. Со оваа победа ја продолжи победничката низа која сега брои 15 натпревари, најдолга во неговата досегашна кариера.

Последен пат беше поразен на 20 април, токму пред два месеца, кога повреден загуби од Холгер Руне во финалето во Барселона. Денеска ќе има нова шанса да ја продолжи серијата против Артур Риндеркнех од Франција.

Доколку стигне до титулата во Квинс, Алкараз ќе се доближи на само 1.100 бодови до лидерот на АТП листата, Јаник Синер и така ќе ја засили трката за првото место до крајот на сезоната.