Македонскиот ракометен суперлигаш Алкалоид пристигна во Германија, каде што ќе го започне своето ново европско поглавје. Освојувачот на ЕХФ Купот нема лесна задача, ждрепката за плеј-офот го спои со бундеслигашот Хановер, но во таборот на „сините“ од Автокоманда владее борбен дух и оптимизам.

Од клубот порачаа дека тимот е подготвен за предизвикот:

„РК Алкалоид пристигна во Германија и е подготвен за првиот меч со РК Хановер Бургдорф во Европската лига на ЕХФ“, стои во ообјавата на социјалните мрежи.

Алкалоид имаше одлични подготовки пред стартот на сезоната и забележа седум победи на седум контролни натпревари, па така помеѓу избраниците Кире Лазаров владее оптимизам.

Натпреварот помеѓу Хановер и Алкалоид се игра утре во терминот од 17:00 часот и истиот ќе оди во директен пренос на МТВ.

 

View this post on Instagram

 

A post shared by RK Alkaloid (@rkalkaloid)