Екипата на Алкалоид од денеска и официјално е шампион во ЕХФ Европскиот куп откако Европската ракометна федерација го додели реваншот со службен резултат од 10-0 во корист на тимот од Автокоманда.

По потврдата Алкалоид се огласи и преку социјалните мрежи порачувајќи дека овој трофеј е голем успех и за македонскиот ракомет.

„Ова не е само победа. Ова е уште една потврда за големиот успех и за квалитетот на нашиот тим и на македонскиот ракомет!

По извојуваната победа во Атина во првиот дуел, противникот РК АЕК одби да го одигра реванш-натпреварот во Скопје од свои причини.

По разгледувањето на сите случувања и докази, ЕХФ донесе одлука за службена победа од 10 : 0 голови и од 2 : 0 поени за РК Алкалоид. Трофејот од Европскиот куп заслужено ќе биде во нашите витрини!“, објави Алкалоид.

EХФ не направи циркус: Алкалоид го освои својот прв европски трофеј!