Eкипата на Алкалоид вечерва во рамките од 19:00 часот на домашен терен ќе игра против тимот на РК Рунар Сандефјор во полуфиналето од ЕХФ Европскиот куп.

Избраниците на Кире Лазаров во овој натпревар ќе имаат можност да испишат нова клупска исторја, а до полуфиналната битка стигнаа без пораз со седум победи и едно реми.

Проблем за македонскиот претставник ќе биде отсуството на Марко Митев кој беше успешно опериран и ќе се врати наредната сезона, а исто така ќе недостасува и Никола Костески.

Натпреварот помеѓу Алкалоид и Рунар ќе може да се проследи во директен пренос на МРТ.