Министерот за здравство Азир Алиу соопшти дека поради недостиг на анестезиолози на Клиниката за државна кардиохирургија иницирал да се склучи билатерален договор меѓу Македонија и Словенија, со цел да имаме мобилност на доктори и медицински сестри меѓу двете држави.

-Здравството е сензитивен ресор заради времетраењето за креирање на профил за кој се потребни десет години. Затоа нашиот пристап од средно стручно образование до факултет и до специјализација ќе биде да ги проектираме тие капацитети за минимум десет години во здравството – изјави Алиу на денешната прес-конференција.

Тој додаде дека со билатералниот договор ќе може доктори да работат привремено тука, три до шест месеци, а процедурата е сè уште во рана фаза, и исто така наши доктори да работат во Словенија, што значи пренос на знаење и нови технологии.