Стартува новата сезона во фудбалската Лига на шампионите, а за титулата најдобри во новиот формат ќе се борат 36 екипи. Новиот формат донесе една група од 36 екипи, од кои 24 ќе го поминат првиот круг на натпреварувањето, а освен тоа донесе и многу критики кон УЕФА.

Последната критика од низата фудбалери кои се противеа на промената на форматот на ЛШ доаѓа од голманот на Ливерпул, Алисон Бекер. Тој не е задоволен од тоа што е зголемен бројот на натпревари, па наместо досегашните шест, во лигашкиот дел на натпреварувањето ќе се играат осум натпревари.

Ова дополнително ќе го влоши и онака напорниот распоред, особено кога ќе се земе предвид дека Алисон е член на тимот од Англија и дека покрај Премиер лигата има и два куп натпревари.

? Liverpool’s goalkeeper Alisson Becker speaks really well here about fixture congestion. Suggests all parties involving players, clubs, UEFA & TV organizations to come together on number of games per season.

Acknowledges the demand for more games.pic.twitter.com/OtOVXiGyXv

— BuzzingGunners (@BuzzingGunners) September 16, 2024

Покрај збиениот клупски распоред, тука се и оние натпревари за репрезентациите.

– За навивачите тоа е неверојатно. Повеќе натпревари, повеќе големи натпревари. Секогаш е добра идеја ние играчите да додадеме некои мечеви во распоредот што не е зафатен… Јас сум малку ироничен! Никој не не прашува нас играчите што мислиме за додавање повеќе натпревари, па можеби нашето мислење не е важно. Но, секој знае што мислиме за тоа. Сите се уморни од тоа. Ова не е прашање на кое треба да одговорам. Треба да седнеме заедно и да ги слушаме сите страни бидејќи разбираме дека има медиуми и телевизија, страната на УЕФА и ФИФА, Премиер лигата, домашните натпреварувања – изјави Алисон.