Во второто полуфинале од азиската Лига на шампионите фудбалерите на Кавасаки Фронтале од Јапонија со 3:2 во Џеда го совладаа Ал Наср од Саудиска Арабија во чии редови настапува португалската ѕвезда Кристијано Роналдо.

Во 10 минута Јапонците поведоа со голот на Ито, потоа израмни саудискиот клуб преку Мане во 28 минута.

Кавасаки Фронтале повторно дојде до водство во 41 минута со погодокот на Озеки, а во 76 минута за 3:1 стрелаше Иенага.

До крајот на мечот Ал Наср успеа да постигне уште еден гол преку Јахја (87`) доволно само за да ја ублажи елиминацијата.

Противник на Кавасаки Фронтале во финалето на 3 мај ќе биде Ал Ахли од Саудиска Арабија каде што настапува македонскиот репрезентативец Езѓан Алиоски.