Фудбалерите на Ал Ахли од Саудиска Арабија успеаја да обезбедат пласман во финалето на азиската Лига на шампионите.

Денеска во Џеда во саудискиот дуел тимот на Ал Ахли го совлада Ал Хилал со резултат 3:1. Целиот натпревар за Ал Ахли го одигра македонскиот репрезентативец Езѓан Алиоски.

Фирмино во деветтата минута донесе предност за гостите, Тони во 28 минута ја зголеми позитивата, а во 42 минута домаќините го постигнаа единствениот погодок преку Ал Давсари.

На стартот од вториот дел во 49 минута гол на гостите кој го постигна Тони беше поништен поради офсајд после ВАР снимката.

Домашната екипа од 59 минута остана со играч помалку од теренот поради вториот жолт картон на Кулибали.

Гостите не реализираа пенал во 86 минута, односно непрецизен беше Кеси, а во самиот финиш од средбата (90+7`) сите дилеми околу победникот ги реши Ал Бураикан.

Противник на Ал Ахли во финалето на 3 мај ќе биде победникот од второто полуфинале кое ќе се игра на 30 април помеѓу Ал Наср од Саудиска Арабија и Кавасаки Фронтале од Јапонија.