Денеска од 16.00 часот во Астана македонската фудбалска А репрезентација ќе игра против Казахстан во квалификациите за Светското првенство 2026.

По ремито со Белгија, нашите најдобри фудбалери ќе се обидат да дојдат до триумф и да останат во трката за учество на Мундијалот.

Противникот во изминатиот период одигра пријателски натпревар во Борисов каде што загубија од Белорусија со 4:1.

Селекторот на Казахстан, Али Алиев ги сподели очекувањата во пресрет на денешниот дуел со Македонија:

– Го гледавме нивниот натпревар против Белгија, ги гледавме сите натпревари на противникот во квалификациите. Направивме анализи и им ги покажавме на играчите. Македонија има силни играчи кои настапуваат во најдобрите клубови и во најсилните европски лиги. Станува збор за многу добар и квалитетен тим. Во мечевите против Велс и Белгија покажаа карактер. Нема да ни биде лесно, Македонија има свој стил на игра, но јас верувам во моите фудбалери – се зборовите на Алиев на официјалната веб-страница на Фудбалската федерација на Казахстан.