Најдобрата македонска фудбалска репрезентација денеска славеше со 1:0 на гостински терен против Казахстан во квалификациите за Светското првенство 2026.

Тоа е втор триумф за нашите најдобри фудбалери во мундијалските квалификации и ги одржуваат шансите за пласман на Мундијалот.

Казахстан се покажа како незгоден противник во Астана пред своите навивачи, среќата не беше на нивна страна, двапати погодија статива и еднаш пречка.

Селекторот на Казахстан, Али Алиев не е задоволен од резултатот, но дефинитивно е среќен поради перформансите кои ги покажаа неговите играчи на овој натпревар:

– Не го гледаме резултатот, ова беше одличен натпревар за репрезентацијата на Казахстан. Би сакал да им се заблагодарам на сите навивачи кои дојдоа да го поддржат тимот во Астана. Моите фудбалери дадоа сè од себе на теренот. Ветивме дека ќе се бориме за земјата, за знамето, а денеска навивачите видоа бескомпромисна борба на целиот терен. За жал, среќата не беше на наша страна, но генерално создадовме шанси – рече Алиев по одигрувањето на мечот.