Најдобриот стрелец во историјата на иранската фудбалска репрезентација неодамна ја повика владата во Техеран „да ги реши проблемите на иранскиот народ наместо да користи репресија, насилство и апсења“.

Иранските власти му го одзедоа пасошот на фудбалската легенда Али Даеи (53), откако тој ги обвини за „полициско насилство“ и „репресија врз демонстрантите“ за време на протестите поради смртта на Махса Амини, пренесува АФП.

Иран е зафатен од протести низ целата земја откако беше објавена смртта на 22-годишната Махса Амини на 16 септември, три дена откако беше уапсена во Техеран за наводно кршење на кодексот на облекување во земјата.

Поранешниот капитен и најдобар стрелец во историјата на иранската фудбалска репрезентација неодамна ја повика иранската влада „да ги реши проблемите на иранскиот народ наместо да користи репресија, насилство и апсења“.

– Одземањето на пасошот на Али Даеи е поради тоа што го напишал на Инстаграм – објави реформистичкиот весник Хамихан.

Властите во Иран му го вратија пасошот на Али Даеи, потврди за Франс прес во понеделникот фудбалската легенда на земјата, откако му го одзедоа поради поддршката на протестите за смртта на Махса Амини.

– По моето враќање од странство, полицијата ми го одзеде пасошот на меѓународниот аеродром во Техеран во присуство на моето семејство и други луѓе – рече Даеи во своите први коментари за медиумите од почетокот на протестите.

Даеи беше еден од првите ирански играчи што играше во европските лиги, играјќи за германските клубови Арминија, Баерн Минхен и Херта Берлин. За репрезентацијата на Иран одигра 149 натпревари и постигна рекордни 109 гола.