Францускиот актер Ален Делон почина вчера, на 88-годишна возраст, а зад себе остави бројни улоги и голем печат врз француската и светската кинематографија.

„Ален Делон го инспирираше светот да сонува со неговите улоги. Тој беше повеќе од ѕвезда, тој беше француска икона“, изјави францускиот претседател Емануел Макрон за славниот актерт.

Меѓу оние кои имаа шанса за го запознаат овој шармантен Французин е и хрватската пејачка Тереза Кесовија.

„Тој присуствуваше на еден мој концерт во париската Олимпија и имав можност да го запознаам таму. Отсекогаш имаше проблеми – семејни, здравствени, со децата. Навистина ми е жал за него. Тој често глумеше заедно со Жан Пол Белмондо. Морам да признаам дека тој ми беше подраг“, изјави Кесовија за „24 сата“.

Да потсетиме, Тереза Кесовија своевремено беше голема музичка ѕвезда во Париз. За тоа сведочи и фотографија од тие денови, секако црно-бела. На неа е Ален Делон и неговата сопруга Натали, а зад нив има голема фотографија од Кесовија на ѕдиот. Тоа доволно говори за нејзиниот статус во Франција во тој период.

Почина Ален Делон, легендата на француската и светската кинематографија