Ракометниот клуб Еурофарм Пелистер 2 го означува својот нов проект, својот нов почеток.

За остварување на целта, која е враќање во Суперлигата, ангажирана е една од клупските легенди на битолски Пелистер, Александар Зарков за нов тренер.

Поранешниот македонски репрезентативец по кратката епизода во Грција се врати во Битола и ќе продолжи да работи на проектот со млади ракометари.

Има акумулирано тренерско искуство во нашите лиги, а посебно во работа со ракометари во развој.

Неговото претставување е предвидено за 24 јули, кога е официјалната прозивка на екипата на Еурофарм Пелистер 2.