Александар Вучиќ за случајот со Северина: „За неа мислам сè најлошо!“
Српскиот претседател Александар Вучиќ вечерва гостуваше на телевизија Пинк, каде проговори за актуелните случувања со хрватската пејачка Северина Вучковиќ и нејзиното приведување на српската граница.
Препорачано
„Можеби сега ќе ве изненадам со ова што ќе ви го кажам. Утрово му се јавив на Дачиќ, го разбудив, за да видам што се случува со Северина. Тој ми кажа дека не е приведена, дека била задржана два часа на граница. Сметам дека тоа било многу глупаво и непотребно. Не поради Северина, за која мислам сè најлошо. Ние мора да се разликуваме од нив во сè. Нека ме сочува Господ од тоа да водам држава во која ќе ги апсиме сите кои ги слушаат песните на Томпсон. Пуштете ги сите, па и Селма Бајрами. Тоа што тие ја мразат Србија – зборува за нив“, изјави Вучиќ.
„Затоа што некоја пејачка вели дека Србија е геноцидна земја, дека се разбира од тоа дали јас сум диктатор или не, која одлично се разбира во тоа какви криминалци се Србите… но сака да зема пари од нив. Таа неретко доаѓа овде и вели, замислете, советничката на Вучиќ била некаде кај некого приватно, а тој ја донел Северина да им пее. Да бидам искрен, не знам што правеле и не сакам да им се мешам на луѓето во одлуките. Не можам да им замерам ни на своите градоначалници и директори, кои објавуваат слики од хрватското приморје. Тоа е нивна приватна работа. Тоа што јас нема да го направам тоа, тоа е исто така моја работа. И тоа што никогаш нема да ме видите таму е, исто така, моја работа. Тоа зборува за нив, како што и моите постапки зборуваат по нешто за мене“, додаде тој.
Да потсетиме, синоќа, на 25 август, Вучковиќ беше задржана на границата меѓу Хрватска и Србија при обид да влезе во Србија.
Пејачката денеска, 26 август, издаде соопштение со желба да се слушне и нејзиното видување на настанот во кој го опиша разговорот со цариниците и припадниците на МУП на граничниот премин „Бајаково“.
